BALTH. CORDERII, S. J. INTERPRETATIO.

Tanta sunt et tam praeclara sanctissimae synaxeos spectacula spiritalia quae nostri cum uno illo, uti saepe diximus, communionem atque conjunctionem praecipuo quodam ritu sacro perficiunt ; verumtamen est et alia huic coordinata consecratio, quam unguenti mysterium praeceptores nostri appellant. Hujus itaque partibus juxta sacras imagines ordine perspectis, hoc modo per easdem ad illud ejus unum hierarchicis contemplationibus evehemur.

Tanta sanctissimae synaxeos sunt et sic bona invisibilia, etc.

In praecedenti capitulo determinavit de operatione hierarchica quae erat circa procedentes, et viaticum, sic dictum quia invia spirituali progredientes confortat, scilicet ad procedendum per restaurationem deperditorum. In ista vero parte determinat de alia operatione hierarchica, quae est etiam circa viatores contra impedientia processum in via spirituali, et haec est confirmatio.

Dividitur autem hoc capitulum in partes tres. Primo enim determinat ea quae efficiuntur vet perficiuntur in hoc sacramento. Secundo, determinat ritum, ibi

(sig. 2), Juxta eumdem, etc. Tertio, assignat theoriam, ibi (sig. 3), Ipsa igitur intro ductiva, etc.

Prima autem pars sic intitulatur : " De " perficiendis in myro, et in ipso offe-" rendis. " IVI AdminBookmark enim in Graeco dicitur Unguentum, et ponitur hic pro Chrismate, cujus confectio est ex diversis, scilicet oleo et balsamo in modum unguenti.

Dicitur ergo : De perficiendis, id est, efficiendis, in myro, id est, Chrismate, id est, de effectibus ejus, ei de offerendis in ipso, id est, de his qui offeruntur Deo consecrati per Chrisma : quia usus ejus est in ordine, confirmatione et baptismo, quia baptizati unguntur Chrismate in vertice, quamvis hoc non sit de esse sacramenti, sed sacramentale : in aliis vero duobus est essentiale.

In hac autem parte duo facit. Primo continuat se ad praecedentia dicens de quibus dictum est. Secundo, accipit hoc de quo intendit, ibi, Sed est hujus.

Littera sic exponitur : Ea quae sunt sanctissimae synaxeos, id est, communionis, tanta sunt tam magna et tot sicut diximus, et sic (sicut saepe diximus) bona invisibilia, quae in ipsa continentur et significantur, sunt sacrificantia, id est, sacre ta cientia societatem hierarchice quantum ad participationem donorum, et coordinationem quantum ad ordinem hierarchicum, nobis ad unum, scilicet ad Deum. Alia translatio : " Tantae san-" ctissimae synaxeos vel congregationis " sunt et ita pulchrae intelligibiles visio-" nes. " Sed est hujus, etc. Hic accipit sacramentum de quo intendit.

Dicit ergo, quod quaedam alia sacramentalis operatio est aequalis virtutis communioni, . quae a pluribus dicitur Chrisma : et ideo oportet ut ritum ipsius prius dicamus, et postea theoriam, sicut de aliis factum est. Hujus, scilicet communionis, hostiam Chrismatis, quia ipsa consecratus, offertur Deo.

Partes ejus, scilicet diversas operationes, in quibus est, in ordine, id. est, ordinate, intendentes secundum imagines, id est, actiones sensibiles quae in ritu ejus exercentur, quibus aliquid spirituale significatur, ascendemus ad unum ipsius, spirituale et intelligibile in quod ducit.