EXPOSITIO TEXTUS.

Sanctae enim animae, etc.

Hic ostendit specialiter quid recipiant secundum animam primo, et secundum corpus, ibi, Munda autem sanctarum,

etc.

Dicit ergo primo, quod sanctorum animae in illa vita mutabuntur in quamdam firmitatem, quia non poterunt converti a Deo cadendo in mala quae sunt secundum vitam istam : et similiter sancta corpora illis conjuncta in quibus animae Deo militaverunt, recipient simul cum anima per resurrectionem immutabilem vitam et beatam quietem, propter hoc quod membra Christi fuerunt unita suis animabus.

Sanctae animae non venientes ad eam conversionem potentem in mala, quae sunt secundum hanc vitam cadendo, quia potentia cadendi, in ea iterum generatione, id est, iterata corporis restitutione secundum resurrectionem in trans ordinationem deiformissimam immutabuntur inconversibilem, id est, in hoc quod ulte- rius a Deo ad peccata converti non poterunt. Et hoc dabitur eis in praemium : quia quando potuerunt converti, noluerunt. Conjuga quantum ad unionem ad esse unum constituendum, coeuntia quantum ad unitatem operationis, coambulabilia conscripta quantum ad divinam praedestinationem : alia littera, " conscripta " commilitantia " quantum ad pugnam : et iterum, dico, haec conrecipient, id est, simul cum animabus, propriam resurrectionem, quia eadem numero resurgent, secundum divinas suas collationes, id est, secundum diversa loca in quibus sepulta sunt : vel secundum hoc quod fuerunt firmiter collocata in Deo obediendo spiritui, et hoc incommutabili fundamento animarum secundum divinam vitam, id est, quando animae fundabuntur incommutabiliter in divina et incorruptibili vita.

Eo enim quod corpora erant mixta, id est, conjuncta velut membra Christi . Et hoc etiam meritum recipient pro praemio, deiformem quietem, id est, immutabilem, vel similitudinem Dei, et incorruptibilem quantum ad particulares corruptiones, immortalem quantum ad universalem corruptionem, beatam quantum ad gloriam corporis. Sciendum tamen, quod sola glorificatio cadit sub merito sanctorum, et non immortalitas, cum communiter boni et mali incorruptibiles resurgant : sed non omnes immutantur, ut dicit Apostolus, I ad Corinth. xv,

51 .Et ideo ista immutatio cadit sub merito : immortalitas autem non est a natura, sed ex merito Christi : meruit enim toti naturae humanae immortalitatem. In his, scilicet praedictis bonis ipsa quies proventura in laetitia ei immutabili spe in summum, id est, praemium.

3