DIVISIO ET EXPOSITIO TEXTUS.

His autem diffinitis, etc.

In parte superiori determinatum est de operationibus hierarchicis, quae sunt circa ingredientes et proficientes, in parte vero ista determinat de operibus hierarchicis, quae sunt circa exeuntes : et hi sunt morientes. Mors autem duplex est, scilicet corporis, qua separatur anima a corpore : et sacramentalis, qua moritur quis veteri vitae.

Primo ergo determinat de operatione hierarchica, quae est circa morientes prima morte. In secunda circa morientes secunda morte, ibi (sig. 20), Quod autem et pueros nondum divina, etc.

Prima autem pars dividitur in partes tres. In prima ponit quae perficiuntur vel efficiuntur a Christo in morientibus : unde intitulatur de perficiendis in dormientibus, id est, de his quae in mortuis perficiuntur. Secundo ponit ritum, ibi (sig. 6), Congregans divinus sacerdos, etc. Tertio ponit theoriam, ibi (sig. 7), Sed haec quidem si viderint, etc.

Prima autem pars dividitur in partes tres. In prima ostendit quid efficiatur a Christo in sancte morientibus. In secunda, quid in non ancte morientibus, ibi (sig. 4), Coinquinationibus autem pleni, etc.

Jn tertia comparat hos ad alios, ibi (g 5), Talium autem nullo , etc.

Prima autem pars dividitur in duas. In prima enim continuat se ad praecedentia. In secunda prosequitur, ibi, Etenim neque hoc commune, etc.

Summa per se patet.

His scilicet quae pertinent ad ingredientes et proficientes, diffinitis, id est, determinatis, in dormientibus, id est, mortuis, sunt enim quasi dormientes apud Deum in cujus potestate est revocare eos ad vitam quasi a somnio, quamvis in se sint mortui.

Deinde prosequitur, et dividit in partes tres. In prima ostendit quid specialiter ab injustis efficiatur in his qui sancte moriuntur quantum ad totius hominis vitam. In secunda specificat et secundum animam et secundum corpus, ibi (sig. 2), Sanctae enim animae, etc. In tertia ponit diversas opiniones super his quae determinata sunt, ibi (sig. 3) Immundos vero, etc.

Primo ergo dicit, quod non idem agitur in sancte morientibus et immundis, sicut nec similis fuit eorum, vita : sancti enim intendentes ad divina promissa, veniunt ad mortem cum gaudio sicut ad coronam certaminis accipiendam : sciunt enim indubitanter, quid eis futurum sit in alias vita, quam habebunt per resurrectionem.

Etenim, quasi dicat: Ideo dicendum est de perficiendis in dormientibus, quia hujusmodi perfectiones sunt proprie operationes hierarchiae, in quibus infideles non communicant. Immundis, id est, infidelibus vel peccatoribus. Venientes, supple, diversimode recipiunt: non enim in eodem loco sepeliuntur : ita quod, qui quidem, etc, id est, qui sancte vixerint, suam, id est, divinarum promissionum, secundum ipsam, scilicet veritatem vel divinitatis virtutem, contemplaturi suscipiendo quod promissum est : firma pro-

pter puritatem conscientiae, vera propter promissionem fidei mortis summum, id est, ultimum vel optimum quod tunc de laboribus praemiantur, finem divinorum certaminum, id est, quibus pro Deo certarunt, pro his coronandi : ipsi, dico, scientes omnino, id est, indubitanter cer- titudine fidei, quae erunt secundum eos, id est, quis erit eorum status in alia vita, perfectissima, quia omnis abscindetur corruptio, et non deficiente, quia vita et salus erit eis,per resurrectionem suam futuram universalem, quia omnes resurgent etiam cum omnibus membris.

2

Sanctae enim animae ad eam in mala secundum hanc vitam potentem cadendo conversionem non venientes, in ea iterum generatione inconversibilem habebunt deiformissimam transordinationem. Munda autem sanctarum animarum conjuga et coeuntia corpora conscripta et commilitantia, secundum divinas suas collocationes in animarum incommutabili secundum divinam vitam fundamento recipient propriam resurrectionem : eo enim quod in vita erant secundum hanc vitam in sacris animabus, velut membra Christi facta, deiformem et incorruptibilem immortalemque et beatam recipient quietem. In his ergo sanctorum est quies in laetitia et immobili spe, in. divinorum certaminum proventura summum.

Nam sanctae quidem animae cum in hac vita degentes adhuc perverti possint, in regeneratione illa ad statum immutabilem Deoque maxime conformem transferentur. Pura vero illa corpora, quae sanctis animabus copulata cum iisdem simul et ambularunt, et descripta sunt, atque una certarunt, pro divinis sudoribus, in animarum secundum divinam vitam firmitate, sibi quoque propriam resurrectionem sortientur : sanctis enim animabus copulata, quibus in hac vita conjuncta fuerant, ut quae jam Christi membra facta sint, deiformem et incorruptam, atque immortalem beatamque requiem consequentur. Hinc fit ut sanctorum obdormitio sit in laetitia certisque spebus, dum ad certaminum divinorum finem venit.