EXPOSITIO TEXTUS.

Sanctae ergo teletarum, etc.

Hic ostendit quid dictum sit, et quid restat dicendum, ut completa cognitio hierarchiae habeatur.

Dicit ergo, quod actio teletarum quantum ad purgationem et illuminationem tractata est in tractatu baptismi, qui habet purgare a peccatis et illuminare per characteris impressionem et virtutum collationem, sed quantum ad perfectionem per cognitionem communionis et Chrismatis, quibus perficimur in divina communione, et secundum divisionem

exponenda est distinctio sacerdotum, quae in ordinem expiantem, illustrantem, perficientemque dividitur.

praehabitam, tunc immediate restat dicendum de dispositionibus sacra dantium, id est, Doctorum, quae etiam dividitur in purgationem, illuminationem, et perfectionem, ut dictum est.

Laudatur, id est, cum laude exponitur quod a nobis jam completum est, et hoc purgatione quantum ad deletionem peccati, et purgativa illuminatione quantum ad impressionem characteris, sanctae Theogenesiae, id est, divinae generationis, scilicet baptismi, comprobatae ex eloquiis. Joan. 1, 12 : Dedit eis potestatem filios Dei fieri. Et laudatur congrue quantum ad symbola et quantum ad theoriam, synaxeos, id est, communionis, et teletae myri, id est, Chrismatis.

Consummativae : hoc ad. utrumque potest referri, quia utraque consummat hierarchiae operationes : per quam, scilicet scientiam vel teletam, tamquam unificam, anagoge ad divinitatem perficitur.Sacerdotium, id est, sacrorum donatio, et communicatio beatissima, scilicet divinorum. Nunc autem sacerdotalis, id est, sacra dans quantum ad mystas, etc.

11