DUBIA.

Sed dubium est de hoc quod dicit.

Immundis non est fas tangere ipsa symbola sacramentorum : sit enim aliquis qui teneatur ex officio exhibere sacramenta, qui sit in peccato mortali, si non tangat symbola dispensando sacramenta, peccat, quia omittit id ad quod tenetur : similiter si tangat, peccat, quia non est fas sibi tangere cum sit immundus : ergo videtur, quod sit perplexus.

Dicendum, quod in veritate ille qui est in peccato mortali, mortaliter peccat quandocumque induit vestres sacras, nec licet sibi omnino concedere aliquod sacramentum, nisi baptismum propter necessitatem, non tamen ita ut exhibeat se tamquam ministrum Ecclesiae cum sit indignus. Similiter peccat si non exhibeat et teneatur. Nec tamen est perplexus : quia potest renuntiare officio, vel paenitere de peccato, et tunc licebit sibi tradere sacramenta, quia aliquid licet paenitenti, quod non licet dum est in peccato.

Deinde quaeritur de hoc quod dicitur, quod nostra hierarchia desiderat symbola ad suam reductionem : et videtur, quod sine symbolis possit reduci.

1. Quorum enim una est potestas, una est perfectio : sed nostrae hierarchiae et angelicae eadem est potestas accipiendi, spiritualia scilicet, alias nostra non reduceretur in spiritualia : cum igitur ange-

lica perficiatur sine symbolo, et nostra etiam hoc modo poterit perfici.

2. Praeterea, Sicut habemus sensum, ita et intellectum : ergo sicut propter sensum est proportionale nobis accipere sensibilia, ita propter intellectum erit proportionale nobis accipere intelligibilia.

3. Praeterea, Per lumen nobis naturaliter inditum possumus in ea quae sunt tantum intelligibilia, cum inter scientias metaphysica sit de intelligibilibus tantum, ut dicunt Philosophi : ergo multo magis potest lumen gratiae nos ducere ad intelligibilia sine sensibilibus,

Solutio. Dicendum, quod non potest congrue perfici nostra hierarchia nisi manuductione sensibilium, cum intel- lectus noster accipiat cum continuo et tempore.

Ad primum dicendum, quod si in potestate intellectiva communicemus cum Angelis, differimus tamen in modo intelligendi : quia intellectus noster connexus est sensui., accipiens a sensu, quod non est de intellectu Angeli.

Ad secundum dicendum, quod licet habeamus intellectum sicut et sensum, tamen intellectus noster accipit a sensu : et ideo oportet ut per sensibilia perficiatur.

Ad tertium dicendum, quod quia ea de quibus est metaphysica, sunt tantum intellectualia, ideo intellectus noster se habet ad illa sicut oculus vespertilionis ad lucem solis, quamvis in se sint manifestissima, ut dicit Philosophus.

10

Revelandae tamen sunt symbolorum rationes divinis sacris perfectoribus, quas non est justum educere in adhuc perficiendos, scientes quomodo sacrorum, Deo tradente, legislatores ornatuum statutis et inconfusis ordinibus, et unoquoque secundum dignitatem accipiente, proportionibus et sacris distributionibus hierarchiam ordinaverunt.

Attamen manifestae simul sunt sacerdotalibus signorum rationes, quas sacrorum etiamdum candidatis explanare nefas, quod exploratum sit, sacrorum divinitus traditorum legislatores, stabilibus atque impermistis ordinum distinctionibus, cujusque merito accommodatis, disparilibus ac sacris partitionibus sacrum ordinem distri-

Propter quod et tuis sacris confessionibus credens (recordari enim earum sanctum est) sic omnem quidem suppositam hierarchiam sanctam laudem non tradas alteri praeter aeque ordinatos tibi, deiformes, sacros, perfectorespue, eosque patieris confiteri secundum legem hierarchicam, mundorum quidem munda tangere, communicareque solum divinis deificata, et perfectorum perfectivs, sanctisque sanctissima, aliaque hierarchicorum, et haec tradidi divino dono.