BALTH. CORDERII, S. J. INTERPRETATIO.

His autem eo quo dictum est ritu celebratis, adstans coram symbolis sanctissimis pontifex aqua manus abluit una cum sacerdotum ordine venerando. Nam qui lotus est (ut eloquia testantur) non opus habet alia quam summitatum seu extremitatum suarum lotione, per quam utique supremam munditiam fiet, ut divinissima praeditus habitu deiformitatis, dum ad sequentia quoque benigne procedit, liber futurus sit et expeditus, quippe prorsus uniformis, et ad unum rursus unitive conversus, immaculatam simul et intemeratam suam faciet conversionem, tamquam qui deiformitatis suae plenitudinem et integritatem servet. Porro sacrum lavacrum, uti diximus, in legali erat hierarchia ; modo autem pontificis ac sa cerdotum illa

tum manuum, purgatio ipsum Insinuat. Eos enim ad sanctissimam venientes immolationem purgare oportet, et extremas animae phantasias, et similitudine ipsi tantum, quantum possibile est, advenire in manifestiores sic theophanias, super quas ponentur, supermundialium fulgorum in conformium speculorum claritatem universaliorem et lucidiorem apparentium pervenire proprium splendorem. Summi autem sacerdotis et sacerdotum usque ad summa, id est, novissima lavatio in conspectu fit sanctissimorum symbolorum tamquam in Christi omnes adspicientis nostras occultissimas notiones, et subtilissimae purgationis in ejus intensissimis subtilitatibus et iustissimis et aequissimis judiciis terminatae.