EXPOSITIO TEXTUS.

Et lavantibus manus, etc.

Deinde dicit : Et post haec summo sacerdote et aliis sacerdotibus Iavantibus manus aqua, summus quidem sacerdos stat in medio divini altaris : circumstant autem eum soli selecti, id est, praestantiores de numero ministrorum, id est, diaconorum, cum sacerdotibus. Et tunc summus sacerdos laudans divinas sacras actiones, id est, cum laude dicens quomodo Christus " pridie quam pateretur, " accepit panem, etc. " sacrificat divinissima, id est, corpus et sanguinem Christi, et ducit sub conspectu laudata, id est, ostendit omnibus consecrata, per

symbola sacre procumbentia, id est, velantia sub speciebus panis et vini, sub quibus latet et corpus Christi verum et sanguis, et sic ostendens populo donationes divinorum actuum, id est, sacramenta quae divina virtute agente donata sunt nobis, ipse venit in sanctam communionem eorum, sumendo corpus Christi, et hortatur alios ad communicandum. Accipiens vero ipse et tradens aliis divinam communionem desinit in sacram Eucharistiam, sacram gratiarum actionem , cum dicitur, " Ite missa est, Deo gratias. " Multis quidem, etc. Hic continuat se ad sequentia, dicens : Multis, scilicet popularibus, prospicientibus tantum in divina symbola, utpote qui eorum significationem non capiunt, ipso autem, id est, summo sacerdote, sancte ascendente divino spiritu, id est, Spiritus sancti ductu,: ad sancta principia, id est, significata quae sunt principia in quae tendunt signa, perfectorum, id est, quae symbolice sunt in sacramentis : et haec in beatis ad finem et intellectualibus speculationibus hierarchice deiformis habitus, debet esse in pontifice, et secundum intellectum non admixlum phantasticis opinionibus, et secundum affectum per separationem a peccato scilicet sancte ascendente et aliis prospicientibus, desinit.