DUBIA.

1. Sed videtur, quod Deus movet Angelos extrinsecus : sicut enim dicit Augustinus : " Deus movet creaturam cor-" poralem per tempus et locum : spiri-" tualem vero per tempus, sed non per " locum : " quod autem movetur per tempus, movetur extrinsecus, quia tempus est accidens motus quod distare facit: ergo movet Angelos, qui sunt spirituales creaturae, extrinsecus.

2. Praeterea, In libro de Causis dicitur, quod " inter rem cujus substantia et " actio est in momento temporis, cuiusce modi sunt generabilia et corruptibilia, " et rem cujus substantia et actio est in " momento aeternitatis, ut Deus, est " res cujus substantia est in momento " aeternitatis, et actio in momento tem-

" poris : " sed tales sunt Angeli : ergo extrinsecus movet illos Deus.

Solutio. Dicimus, quod sicut dicit Augustinus, " aeternitas vere una, est, ta-" men participatur a multis in quantum " participant incommutabilitatem : " unde dicimus, quod Angeli secundum quod per contemplationem accedunt ad participationem divinae aeternitatis, removentur a tempore et omni vicissitudine : et ideo dicit Dionysius, quod " non moventur in divina extrinsecus : " quia nos etiam, sicut ait, secundum quod mente aliquid aeternum capimus, non in hoc mundo sumus : secundum vero quod actio eorum accedit ad tempus per vicissitudinem, dicuntur esse in tempore, quamvis essentialiter non sint in tempore, et sic dicit Augustinus, quod movet eos Deus per tempora. Et per hoc patet solutio ad primum.

Ad secundum dicendum, quod res illa media secundum intellectum Auctoris est caelum, cujus substantia est permanens et motus temporalis capax : si tamen intelligatur de Angelis, tunc eorum actio dicetur temporalis, ut dictum est.

9