DIVISIO TEXTUS.

Summus quidem sacerdos, etc.

Positis his quae efficiuntur in baptismo, ostendit ritum baptismi, qui erat in primitiva Ecclesia : et ideo haec pars intitulatur mysterium teletae baptismatis, in Graeco vero est illuminationis : et dicitur mysterium propter symbola quibus veritas simplex occultatur, teletae vero dicitur ritus, baptismatis vero dicitur totum quantum ad totum sacramentum, sed illuminationis specialiter quantum ad characterem qui est divinum lumen. Sciendum autem, quod non est intentio sua dicere tantum ea quae sunt de necessitate sacramenti, sed etiam ea quae pertinent ad maximam solemnitatem ipsius, secundum scilicet quod solemniter celebratur ab Episcopo in cathedralibus Ecclesiis.

cationem. Quotquot enim receperunt eum, dedit eis potestatem filios Dei fieri, his qui credunt in nomine ejus : qui non ex sanguinibus, nec ex voluntate carnis, sed ex Deo nati sunt.

Et haec pars dividitur in partes duas. In prima determinat qualiter baptizandus accedebat ad baptizantem. In secunda, quid Episcopus operabatur circa ipsum, ibi (g 6), Ipse vero cum laetitia, etc.

Circa primum quatuor dicit. Primo, qualiter Episcopus praedicabat invitans ad baptismum. Secundo, qualiter audiens conversus quaerebat aliquem fidelem qui se induceret ad Episcopum, ibi (sig. 4), Qui autem horum diligit, etc. Tertio, qualiter ille promittebat sibi ipsi, ibi, Ipse autem universaliter, etc. Quarto, qualiter eum ducebat, ibi (sig. 5 sub fine), Et qui accipit eum, etc.