DIVISIO ET EXPOSITIO TEXTUS,

Unum enim et simplum, etc.

Hic ponit theoriam, et secundo aptat ad propositum, ibi (sig. 29), Haec sacris actionibus, etc.

Dicit ergo primo, quod Jesus, qui in divina natura erat verbum occultum et simplex et unum in se, suscipiendo naturam humanam factus est visibilis et compositus diversis membris, n atura tamen divina in nullo mutata, et sic etiam nos tamquam verbo ejus unimur sibi secundum immaculatam et divinam vitam per separationem a passionibus peccati, quibus natura nostra corrumpitur, quia oportet nos, si sibi volumus uniri, ita quod simus in verbo ejus, et sicut ipse mundus fuit, ita et nos esse.

Unum enim, id est, id quod est primum ens, Jesu divinissimi verbi et, id est quod est simplum ipsius et occultum inhumanatione, id est, secundum assumptionem humanae naturae, secundum nos, id est, prout est in nobis, non phantastice, provenit, id est, factum est compositum ex membris, et visibile ad sensum, per hoc quod verbum caro factum est, immutabili bonitate, quia natura divina immutata permansit. Alia translatio, " invariabiliter, et humanitate, " id est, benignitate. Alia translatio non habet. Nostra humilia, id. est, humanam naturam, suis divinis simis, id est, divinae, summe adunans in unitate personae.