BALTH. CORDERII, S. J. INTERPRETATIO.

Profanorum autem alii quidem sine ratione putant corpora nostra penitus aboleri ; alii vero censent corporeum hoc cum propriis suis animabus conjugium repudio semel dirimendum, tamquam illis in deiformi vita beataque requie parum consentaneum ; nequaquam intelligentes, neque scientia divina eruditi, nos jam deiformem in Christo vitam inchoasse. Alii autem animabus aliorum corporum conjugia attribuunt, in quo, mea quidem sententia, quantum in ipsis est, injuriam irrogant corporibus, quae cum divinis animabus collaborarunt, eademque sacris suis praemiis defraudant, cum divinum cursum consummarint. Alii porro, nescio quo pacto, ad terrenas cogitationes dilapsi, dixerunt, praesenti vitae similem beatis promissam esse sanctissimam beatissimamque sortem, cibosque vitae variabili proprios iis qui angelis aequales sunt, nefarie applicuerunt. Sed absit, ut umquam sanctus vir quispiam in istiusmodi errores incidat ! verum illi sancti, qui se totos Christiformem sortem percepturos cognoverunt, ubi ad hujus vitae finem accesserint, viam suam ad

nes divinitatis laudant, et divinae delectationis implentur ad ea quae retro sunt conversionem, non in aliquo timentes, sed bene scientes, quia possessa bona firmiter et aeternaliter habebunt.