EXPOSITIO TEXTUS.

B. Manuductores , etc.

Deinde dicit, quod hierarchiae legalis teleta est sursum ductiva ad spiritualem cultum Dei, per exteriora sacrificia : et

magistri sunt illi qui sunt eruditi de observantiis tabernaculi a Moyse primo magistro et duce sacerdotum veteris legis : et imbuti quasi per sanctificationem secundum similitudinem ostensam Moysi in monte, vocantur ad ritus sancti tabernaculi.

Manuductores, id. est, Doctores, eruditi sanctum tabernaculum, id est, de observantiis ejus, a Moyse primo doctore et duce pontificum secundum legem veterem, ad quod sanctum tabernaculum Moyses sacrae scribens sanctum tabernaculum, introductive, id est, prout competit introductioni rudium, secundum legem, id est, secundum quod competebat veteri legi, imaginemque, id est, et secundum imaginem, id est, similitudinem formae, id est, exemplaris ostensae, etc .

Ad quod, dico, vocat sacrificanda, id est, sacrificandos, scilicet imbutos, etc.

5