BALTH. CGRDERII, S. J. INTERPRETATIO

Sacrarum porro tabularum quae post pacem adhibetur recitatio, depraedicat eos qui sancte vixerunt, atque ad probae vitae perfectionem constanter pervenerunt ; nos quidem, eorum imitatione, ad beatissimum illum statum quietemque deiformem adhortando ac manuducendo, illos vero ceu viventes celebrando, quippe ut theologia docet, nequaquam mortuos, sed ex morte ad vitam divinissimam translatos. Adverte autem, ut et sacris memorialibus inserantur, non quasi humano more memoriam divinam, in ea parte memoriae quae visa recipit, inesse declaret, sed ut quis dixerit pro Dei dignitate, secundum eam quae in Deo est rerum perfectarum ac deiformium pretiosam et immutabilem cognitionem. Novit enim, (ut eloquia testantur), qui sunt ejus ; et : Pretiosa in conspectu Domini mors snnctorum ejus, morte sanctorum pro sancta consummatione tellige quomodo superpositis divino altari piis symbolis, per quae Christus significatur et participatur, adest indubitanter sanctorum professio conjunctionem eorum inseparabiliter manifestans ad eum supermundana et sacra unitate.