EXPOSITIO TEXTUS.

Intende quia nunc, etc.

Hic dicit de exclusione catechumenorum .

Dicit ergo, quod in hoc ritu non excluduntur omnes ordines purgandorum, sed solum catechumeni : hi enim, quia nondum sunt consecuti lumen divinum per baptismum, non possunt aliquod sacrum videre sane, sicut nondum habentes spirituale esse : et ideo ab omnibus excluduntur. Paenitentes autem de novo, et apostatae quamvis excludantur a communione Eucharistiae, ne per indignam participationem et divina et seipsos contemnant, ad suam perditionem sumentes : ab hoc tamen ritu non excluduntur, ut inducantur in timorem mortis ex ipsa

mia quae in Scripturis veris celebrantur, quaeque illis eorumque similibus impuris hominibus supplicia infinita intentantur : e quibus utique spectaculis forte fructum capient, dum cernent, eum qui sancte obiit ministrorum praedicatione celebrari, ut vere consortem sanctorum qui a saeculo sunt, ipsique fortassis consimili desiderio flagrabunt, et ministrorum disciplina docebuntur, quam vere beata sit in Christo consummatio.

visione mortui, et in desiderium eorum quae sanctis retribuuntur, et fugiant ea quae malis comminantur : et propter hoc etiam permittuntur audire recitationem qua praesens mortuus aliis sanctis connumeratur a diacono, ut hoc et ipsi desiderent, et docentur a diacono bonam esse mortem sanctorum.

Nunc, scilicet in hoc ritu, consuetudinem, Eucharistiae et Chrismatis, resolvuntur, id est, excluduntur catechumeni. Hic appellantur catechumeni universaliter omnes non baptizati et energumeni. Hostiae, id est, cujuscumque sacramentalis oblationis, neque fas est, etc, ne videntes quae spiritualiter non intelligunt, derideant: contemplationem virtutis spiritualis sacrorum, id est, symbolorum : theogenesiam, id est, baptismum, luciferani, quia est teleta illuminationis, ut supra dictum est, praeiacentem, quia est primum sacramentorum. Traditionis eorum quae pertinent ad fidem et sacramenta, habent enim fidem informem, quae inferius sunt, scilicet temporalia bona, in ea quae ante sunt, scilicet spiritualia. Ad PhilipIII, 13 : Quae quidem retro sunt obliviscens, ad ea vero quae sunt priora, extendens meipsum. Segregantur ab adspectibus sacre divinorum, id est, quibus divina sacre videntur, quantum in symbolis videri possunt, et hoc quantum ad Eucharistiam et Chrisma. Enim, id est, quia immunde participantes eorum, id. est, eis scilicet divinis, nocebunt sibiipsis, et venient ad plurimum per hoc contemptum divinorum, quae immundo loco reponunt dum sumunt : quia per hoc salutis suae detrimentum patiuntur, sicut enim dicitur I ad Cor. XI, 29 : Qui manducat et bibit indigne, judicium sibi manducat et bibit. In nunc perficiendis circa mortuum fore, id

est, futura esse, immundis, id est, peccatoribus, talibus, quales ipsi sunt, infinitas, id est, aeternas. Sanctorum, qui fuerunt a saeculo, id est, ab initio mundi, ut Abel, et Abraham, etc. : praedicatorum, id est, laudatorum, ministrativa, id est, diaconi, consummationem, id est, mortem in Christo. Apoc. XIV, 13 : Beati mortui qui in Domino moriuntur.

10