BALTH. CORDERII, S. J. INTERPRETATIO.

Eodem modo antistites habent potestatem segregandi, tamquam interpretes divinarum iustificationum ; non quod irrationalibus motibus sapientissima divinitas serviliter (ut honeste dixerim) obsequatur, sed quod ipsimet spiritu mysteriorum principali, a quo ad interpretandum moventur a Deo, pro meritis judicatos secernant. Accipite enim, inquit, Spiritum sanctum : quorum remiseritis peccata, remittuntur eis ;et quorum retinueritis, retenta sunt. Quin et ei, qui divinas revelationes a supremo Patre didicerat, in Scripturis dicitur : Quodcumque ligaveris super terram, erit ligatum et in caelis;

et in caelis : tamquam Evangelista Illo et omni juxta ipsum summo sacerdote secundum in eo factas paternarum sanctificationum revelationes, manifestator et consummator, amicos Dei adducente, et impios exhaereditante. Sacram enim illam theologiam, ut eloquia aiunt, non per seipsum motus, neque carne et sanguine revelantibus, sed a Deo invisibiliter eum propria docente respondit : Tu es Christus filius , etc. Divinis ergo summis sacerdotibus sic et discretionibus, et omnibus hierarchicis virtutibus utendum, quoquo modo consummationis princeps eos divinitas moverit.