DIVISIO ET EXPOSITIO TEXTUS.

In his omnis sacrorum, etc.

Hic determinat de gratiarum actione, et primo ponit ritum. Secundo explicat mysterium, ibi, Itaque divina, etc.

Dicit ergo, quod ex quo tota operatio hierarchici ordinis pervenit ad communionem, sumunt sacramentum cum gratiaram actione, quae ex ipsa communione veniant in cognitionem gratiarum divinorum actuum : quia scilicet sunt ad nostram salutem: et laudans gratias nobis factas, per gratiarum actionem, omnis dispositio sacrorum, id est, tolus Ecclesiasticus ordo, condescendens, id est, finiens in his, quae dicta sunt, hierarchice, id est, secundum dispositionem hierarchicam, etc, proportionaliter, id est,

sufficienter a nobis nec cognosci nec laudari possunt.

Itaque divina, etc. Hic assignat hujus theoriam.

Dicit ergo, quod ex quo communicantes et cognoscentes gratias agunt, consequens est ut illi qui non communicant neque cognoscunt, non possint gratias agere : quamvis enim illis divina dona quae communiter exhibuit omnibus in restaurationem humanae naturae in collectione sacramentorum, ex sua natura sint digna, nec pro eis gratiae agantur : illi tamen qui non convertunt suum spiritualem visum ad ea, non possunt gratias agere pro eis, sed ingrati permanent. Non possunt autem videre nisi gustent participando : quia dicitur in xxxiii, 9 : Gustate, et videte : et ideo illi qui non participant, non possunt gratias agere : hoc participantes et vident et convenienter gratias agunt : et hoc significatur per hoc quod prius communicant, et postea gratias agunt.

Non in Eucharistiam, id est, gratiarum actionem.

.Ex eo contuitu qui in malo, id est, nolunt convertere visum suum ex malo in divina dona.

Discunt magnificas gratias eorum, id est, donorum Dei, ex mirabili doctrina divinorum, id est, quae est de divinis, eas cognoscunt : et prius edocti per doctrinam sacram, etiam postmodum inspicientes altitudinem, etc.

In participatione, id est, participando.