EXPOSITIO TEXTUS.

Haec quidem est, etc.

Littera sic exponitur : Haec quidem quam diximus, est divina generatio, quia per baptismum filii Dei nascuntur, sacrae hostiae, id est, immolationis qua homo immolatur Deo, quantum in symbolis, id est, quantum pertinet ad symbola hujus

sacramenti. Alia translatio habet, " san-" ctae perfectio Dei generationis, " quia scilicet divina generatione perficitur. Haec dico, et, id est, etiam ex ipsis sensibilibus characteribus, id est, figuris, nihil habens indecorum, sed est ibi decor ex proportione sensibilium ad significandum spiritualia, neque immundum propter ipsam rei pluritatem : et hoc dicitur ad differentiam idololatriae, in qua ipsa materia sensibilium ad significandum faetida et turpis est, quia perfundebant se sanguine, et jacebant in pellibus immolatorum animalium, et similiter etiam sacramenta veteris legis in ipsis sensibilibus habebant immunditiam quamdam ex cadaveribus immolatorum animalium : sed habens aenigmata, id est, obscuras repraesentationes, contemplationis dignae Deo, id est, decentis Deum propter similitudinem proportionis : aenigmata dico, imaginata, id est, figurata, speculis, id est, creaturis repraesentantibus nobis spiritualia, naturalibus nobis, et hummanissimis, id est, hominem maxime decentibus, cujus intellectus accipit cum continuatione et tempore propter hoc quod accipit a phantasia et sensu. " aenigma autem " proprie, secundum Donatum, est quae-" dam obscuritas verborum involuta : " sed hic sumitur pro qualibet obscura repraesentatione, sicut dicit Apostolus, I ad Corinth. xiii, 12 : Videmus nunc per speculum in aenigmate, ubi dicit Augustinus, quod " aenigma est obscura allegoria. " Enim, id est, quia si baptizans persuaserit, id est, docuerit baptizatum per sensibilia, contemplativa, scilicet supernaturalia quaedam sacre comparans, id est, ex comparatione sensibilium excitans fiduciam advenientis ad baptismum de sua salute, et hoc denuntians ipsi baptizando omnis simul malitiae, id est, omnium peccatorum suorum, per vitam eximiam, id est, nobilem quantum ad dona, et divinam quantum ad id. quod in baptismo recipit, et hoc quantum ad unionem cum Deo : hoc dico, denuntians naturali purgatione corporaliter facta per aquam, quae naturaliter mundat corpora, et significat purgationem animae a peccatis : si, inquam, sic persuadeat, cur apparuerit, id est, quare potest videri aliquid refellens, id est, reprobare, et, id est, etiam silentem diviniorem, id est, altiorem rationem perficiendorum, id est, eorum quae perficiuntur in baptismo? Quasi dicat : Nulla ratione persona potest aliqua refellere baptismi sacramentum quantum ad symbola, etsi nulla ratio esset nisi quae dicta est de mundatione aquae, cum tamen plures . sint. Alia translatio habet planius sic : " Quid enim videatur pec-" care, etsi divinior sermo eorum quae " fiunt taceatur persuasibilitate et con" templatione accedentis bonam vitam " sancte negotiata, id est, procurata, et " universae simul malitiae purgationem " ipsi denuntians? " Ergo,ex immediate dictis, haec symbolica traditio perficiendorum, id est, ritus baptismi, non esset immunda, ut aestimo, id est, certe scio, et, id est, etiam si nihil quid haberet divinius figuratum : haec dico, quidem introducens doctrinam rectae vitae, id est, significans per aquam, propter nitorem quam praebet, et insinuans purgationem conversationis praeteritae, quae fuit in malitia, universaliter corpore, id est, toto corpore purgato naturaliter per aquam.