DUBIUM.

Sed quaeritur, quare baptismus incipiebatur praedicatione, et hoc sacramentum a thurificatione?

Et videtur primo, quod non debeat thurificare : quia odor ille videtur pertinere ad suavitatem Christi, cujus corpus necdum confectum est.

Et dicendum, quod baptismus datur illis qui sunt extra Ecclesiam : ergo oportet quod baptismum praecedat vocatio per praedicationem. Hoc autem sacramentum non datur nisi illis qui jam

sunt in Ecclesia : et ideo non oportet ut ante hoc sacramentum fiat praedicatio : sed oportet ut excitentur ad devotionem sacramenti, in quo est Christus : et haec devotio significatur per thus, sicut dicitur in Psal. cxl, 2: Dirigatur Domine oratio mea sicut incensum in conspectu tua. Nec significatur Christus per hunc odorem, quia Christus est major omni odore.