EXPOSITIO TEXTUS.

Juxta hunc autem, etc.

Deinde ponit tertiam theoriam dicens : Juxta fume deiformem modum quem vidimus in Deo et in sacramento, divinus summus sacerdos etsi, id est, quamvis disciplinam suae hierarchiae unitam in se, id est, prout est in ipso deiformiter, id est, ad similitudinem Dei deducit in subjectos sibi utens plur alit atibus sacramentorum, id est, particularum, secundum quod diversa diversis competunt : sed tamen iterum indiminute restituitur in proprium principium, id est, spirituale signatum, tamquam absolutus, id est, liber ab imperfectione perficiendi et recipiendi per symbola, et immensurabilis minoribus , id est, inferioribus, id est, excellens mensuram intellectus eorum, et faciens suum intellectualem introitum in unum, scilicet Deum, videt pure, id est, sine admixtione imaginum uniformes rationes, id est, significationes perfectorum in sacramentis : rationes, dico, faciens conversionem in prima, id est, in superiora diviniorem ea quae est per symbola : has, dico, rationes, summum, id est, ultimum finem humanae, id est, clementis processionis suae in secunda, id est, in inferiora.